Blogak irakaskuntzan.

Ikasgai honetan ikusi dugun guztia kontuan hartzen badugu teknologia berriak irakaskuntzarako oso baliabide aberatsa dela ohartuko gara.
Web 2.0k eskaintzen dizkigun trenen artean blogak ezagunenak eta hurbilenak dira. Horregatik, gure errealitatearen parte izanda, ez dugu zertan harritu irakaskuntzan tresna hauen erabilera aktibo eta arrunta baldin bada. Izan ere, gero eta ikastegi gehiagok bere ikasle eta haien gurasoentzat blog bat jartzen du eskuragarri.
Hauen bidez, ikasle eta gurasoek ikastegien bizitzan esku hartzen dute era aktiboago batean.
Bestalde, Haur Hezkuntzan, hainbat kontzeptu lantzeko oso baliogarriak izan daitezke blogak: hala nola, hiztegia, kontzeptu topologikoak edo zenbakiak lantzeko joku oso erakargarriak daude blogetan. Hauxe da sarean eskura dauden blog gehienen ezaugarri nagusia: bere erakargarritasuna. Kolore biziz, marrazki aproposez eta soinua edo musikaz baliatzen dira. Beraz, eduki berriak ikasten edo barneratzen dituzten bitartean haurrek ere jolas eta goza dezakete.
Honetaz gain, ezin dugu ahaztu gu bizi garen informazioaren gizartean haurrak guztiz murgilduta daudela, beraz, eskolak haurren errealitatearekiko lokarriak ezartzearen beharra dela eta gizartearen hain garrantzitsua den fenomeno horren ezagutza sustatu egin behar du.